अखबार नेपाल ट्रेन्डिङ

एजेन्सीः टोटेनहम हट्सपर एफ ए कपको चौथो चरणमा प्रवेश गरेको छ । मंगलबार राति भएको खेलमा मिडिल्सब्रोलाई २-१ ले हराउँदै टोटेनहम चौथो चरणमा प्रवेश गरेको हो । टोटेनहमले खेलमा अग्रता दोस्रो मिनेटमा जियोवानी लो सेलोको गोलबाट लिएको थियो ।

लामेलाले १५ औ मिनेटमा गोल गर्दै टोटेनहमको अग्रता दोब्बर बनाएका थिए । जर्ज सेविलले ८३ औ मिनेटमा गोल गर्दै मिडिल्सब्रोलाई खेलमा फर्काउन कोशिश गरेपछि सफल हुन सकेन । टोटेनहम एफ ए कपको आठ पटकको विजेता हो । क्लबले चौथो चरणको खेलमा महिनाको अन्तिममा साउथह्याम्टनसंग प्रतिस्पर्धा गर्नेछ ।