अखबार नेपाल ट्रेन्डिङ

पोखरा: १७औ संस्करणको आहा रारा गोल्डकपको उपाधि थ्री-स्टार क्लबले जितेको छ । विभागीय टिम आर्मीलाई पेनाल्टी सुटआउट (सडन डेथ)मा पराजित गर्दै थ्रीस्टारले पाचौं पटक आहा राराको उपाधि उचालेको छ ।

निर्धारित समयमा १-१ गोलको बराबारी र अतिरिक्त समयमा २-२ गोलको बराबरीमा खेल सकिएपछि थ्री-स्टारले आर्मीलार्इ सडन डेथमा ५-४ गोलअन्तरले पराजित गरेको हो । उपाधिसँगै थ्री स्टारले ८ लाख नगद पुरस्कार प्राप्त गरेको छ भने उपविजेता आर्मीले ४ लाख रुपैयाँमा चित्त बुझाएको छ ।

पाँचौ, नवौ, ११औं र १३औं संस्करणको उपाधि उचालिसकेको थ्रीस्टारले गतवर्ष नेपल पुलिस क्लबसँग पराजित हुँदै उपविजेतामा चित्त बुझाएको थियो । यसअघि पोखरा रंगशालमा भएको फाइनल खेलको पाँचौ मिनेटमा आर्मीका टेकबहादुर बुढाथोकी गोल गर्दौ अग्रता दिलाएका थिए ।

थ्री-स्टारले पहिलो हापको ४५औं मिनेटमा पेनाल्टीमार्फत गोल गरेसँगै खेल रोमाञ्चक बन्नपुग्यो । रन्जित धिमालले गोल गर्दै पहिलो हाफमै खेल बराबरीमा ल्याएका थिए । थपिएको समयको पहिलो हाफको अन्तिम समयमा आर्मीले फेरी अग्रता लियो । १५औं मिनेटमा गोल गर्दै अग्रता बनाउने क्रममा फ्रिकिकलाई सदुपयोग गर्यो ।

१० खेलाडीमा सिमित थ्री-स्टारले २२औं मिनेटमा फ्रिकिकलाई गोल गर्दै बारबरी बनायो । थ्रीस्टारका सुनिल बल रातो कार्ड खाँदै मैदानबाट बाहिरिएपछि दश खेलाडीमा सीमित भएको थियो ।।