अखबार नेपाल ट्रेन्डिङ

एजेन्सी: पेरिस सेन्ट जर्मेन (पीएसजी) ले फ्रेन्च लिग वानमा सानदार जित निकालेको छ । दश खेलाडीमा समेटिएको पिएसजीले घरेलु टोली सेन्ट इटिनेमाथि ४-० को प्रभावशाली जित हात पारेको हो । सेन्ट इटिनेमा आईतबार राति भएको खेलमा लियान्द्रो ड्यानिल पारेडेस र मोउरो इकार्डीले गोल थपे । नेयमार पेनाल्टीमा गोल गर्नबाट चुकेको थियो ।

खेलको १०औं मिनेटमा पारेडेसको गोलबाट पीएसजीले खेलमा अग्रता लिएको थियो । २५औं मिनेटमा घरेलु टोलीका जिन एहोलोउ सिधै रातो कार्ड खादै मैदानबाट बाहिरिएपछि पीएसजीलाई झनै सहज भएको थियो । ४३औं मिनेटमा एमबाप्पेले नेयमारको पासमा गोल गर्दै पीएसजीलाई पहिलो हाफमा २-० अग्रता दिलाए । ६३औं मिनेटमा नेयमार पेनाल्टीमा चुके । ७२औं मिनेटमा इकार्डीले गोल गरेपछि पीएसजी खेलमा ३-० ले अघि बढ्यो । ८९औं मिनेटमा एमबाप्पेले नेयमारकै पासमा व्यक्तिगत दोस्रो गोल गर्दै पीएसजीलाई ४-० को सानदार जित दिलाए ।