अखबार नेपाल ट्रेन्डिङ

एजेन्सी: रियल मड्रिडले स्पेनिस ला लिगामा भ्यालेन्सियासँग बराबरी खेलेको छ । बराबरीसँगै रियल मड्रिड भ्यालेन्सियासँगको सम्भावित हारबाट जोगिएको हो । खेल १–१ गोलको बराबरीमा टुंगिएको हो । भ्यालेन्सियामा गएराति भएको खेलको पहिलो हाफ गोलरहित बराबरीमा सकिएको थियो । खेलभर नै घरेलु टोलीलाई दवावमा राखेपनि रियले ७८औं मिनेटमा गोल खान पुगेको थियो ।

भ्यालेन्सियाका कार्लौस सोलेरले गोल गर्दै घरेलु टोलीलाई अग्रता दिलाए । हारतर्फ उन्मुख रियलका लागि इन्ज्युरी समयको थप गरिएको पाँचौ मिनेटमा बेन्जेमाले गोल गर्दै रियललाई सम्भावित हारबाट जोगाए । बराबरीसँगै रियलले शीर्षस्थानमा उक्लने मौका गुमाएको छ ।