अखबार नेपाल ट्रेन्डिङ

काठमाडौं: एसीसी यू-१९ पुरूष प्रिमियर कपको उपाधिका लागि आज नेपाल र घरेलु टोली युनाइटेड अरब इमिरेट्स (यूएई)सँग प्रतिस्पर्धा गर्दैछ । लगातार दोस्रो पटक उपाधिको लक्ष्यसहित यूएई पुगेको नेपाली युवा टिमले उपाधिका लागि घरेलु टिलीको सामना गर्न  लागेको हो ।

यूएईको अमजानमा हुने यो खेल विहान पौने ११ बजे सुरू हुनेछ । नेपाल प्रतियोगितामा अपराजित रहँदै फाइनलसम्म पुगेको हो । समूह चरणमा नेपालले साउदी अरेबिया र हङकङलाई फराकिलो अन्तरले हराउँदै सेमिफाइनलमा स्थान बनाएको थियो ।

समूह सी को विजेता नेपालले सेमिफाइनलमा मलेसियासँग खेलेको थियो नेपालले मलेसियालाई ५१ रनमा नै अलआउट गरेको थियो । नेपाली टिम लगातार दोस्रो उपाधिको पर्खाइमा छ । यता अर्को फाइनालिस्ट टिम यूएईले ओमान माथि ८ विकेटको जित निकालेर नेपालसँगको भेट पक्का गरकेको हो ।