अखबार नेपाल ट्रेन्डिङ

काठमाडौं: नेपाल सुपर लिग फुटबल (एनएसएल) प्रतियोगिताको नयाँ सिजनको लागि खेलाडीहरुको खरिद बिक्री भएको छ । एनएसएलको आगामी संस्करणामा झापा फुटबल क्लब, चितवन फुटबल क्ल्ब, काठमाडौं रेजर्स फुटबल क्लब, ललितपुर सिटी फुटबल क्लब, पोखरा थन्डर्स फुटबल क्लब, बुटवल लुम्बिनी फुटबल क्लब र धनगढी फुटबल क्लबको सहभागीता रहने छ ।

यस पटकको अक्सनमा ‘ए’, ‘बी’, ‘सी’, ‘डी’, विदेशी, आईकोनिक र गैर आवसीय नेपाली खेलाडीको सहभागिता रहने बताइएको छ । अक्सनमा ‘ए’ र ‘बी’ श्रेणीका खेलाडीमाथि मात्र बोली लाग्ने आयोजक नेपाल स्पोर्ट्स एण्ड इभेन्ट्स म्यानेजमेन्टले जनाएको छ ।

फरवार्ड जिलेस्पीजंग कार्की सर्वाधिक चार लाख रुपैयाँमा बिक्री भएका छन् । ‘ए’ क्याटोगोरीका उनलाई लिन दुई टोलीले इच्छा देखाएपछि उनी गोलाप्रथाबाट काठमाडौं रेजर्समा पुगेका हुन् । गोलरक्षक एञ्जल श्रेष्ठ गोलाप्रथाबाट झापा एफसी पुगेका छन् । क्याटोगोरी ‘बी’का श्रेष्ठलाई लिन दुई टोलीले चासो देखाएपछि उनी दुई लाख रुपैयाँमा बिक्री भएका हुन् ।

मिडफिल्डर लक्षु थापा अनसोल्ड भएका छन् । क्याटोगोरी ‘बी’का लक्षुलाई लिन एनएसएलका कुनै टोलीले चासो देखाएनन् । मिडफिल्डर नवीन लामा दुई लाख रुपैयाँमा बिक्री भएका छन् । नवीनलाई ललितपुर सिटी एफसीले दुई लाख रुपैयाँमा खरिद गरेको हो । क्याटोगोरी ‘बी’ का नवीन यसअघि ललितपुर एफसी र स्पोर्टिङ इलामबाट एनएसएल खेलेका थिए ।

डिफेन्डर अविशेक लिम्बु गोलाप्रथाबाट एफसी चितवन पुगेका छन् । अविशेक  ४ लाख रुपैयाँमा बिक्री भएका हुन् । क्याटोगोरी ‘ए’ का अविशेकलाई तीन टोलीले बोली लगाएका थिए । मिडफिल्डर हरि कार्की अनसोल्ड भए । क्याटोगोरी ‘बी’ का हरिमाथि कुनै टोलीले बोली लगाएनन् ।

डिफेन्डर आशिष गुरुङ सर्वाधिक चार लाख रुपैयाँमा बिक्री भएका छन् । क्याटोगोरी ‘ए’का आशिषलाई चार टोलीले बोली लगाएपछि उनी गोलाप्रथाबाट झापा पुगेका हुन् । डिफेन्डर निर्मल बल एनएसएलमा अनसोल्ड भएका छन् । क्याटोगोरी ‘बी’ का निर्मललाई कुनै टोलीले बोली लगाएनन् । डिफेन्डर पासाङ लामालाई चार लाख रुपैयाँमा धनगढी सिटी एफसी खरिद गरेको छ । क्याटोगोरी ‘ए’ का लामालाई धनगढीले सर्वाधिक चार लाख रुपैयाँमा खरिद गरेको हो । उनी अघिल्लो सिजन बुटवलबाट एनएसएल खेलेका थिए ।

मिडफिल्डर दिनेश हेन्जन गोलाप्रथाबाट काठमाडौं रेजर्स पुगेका छन् । उनलाई तीन टोलीले चार लाख रुपैयाँमा बोली लगाएपछि क्याटोगोरी ‘ए’ का दिनेश गोलाप्रथाबाट काठमाडौं पुगेका हुन् । जारी अक्सनमा सर्वाधिक बोली लाग्ने दिनेश दोस्रो खेलाडी हुन् । उनले यसअघि ललितपुरबाट एनएसएल खेलेका थिए ।

मिडफिल्डर विशाल तामाङ गोलाप्रथाबाट पोखरा थन्डर्स पुगेका छन् । क्याटोगोरी ‘बी’का विशाललाई तीन टोलीले बोली लगाएपछि उनी गोलाप्रथाबाट पोखरा पुगेका हुन् । उनी दुई लाख रुपैयाँमा बिक्री भए । गोलरक्षक शत्रुधन चौधरी अनसोल्ड भएका छन् । क्याटोगोरी ‘बी’का शत्रुधनलाई लिन कुनै टोलीले चासो देखाएनन् । उनी यसअघि वीरगन्ज र बुटवलबाट एनएसएल खेलेका थिए ।

गोलरक्षक टिकेन्द्रसिंह थापा गोलाप्रथाबाट बुटवल लुम्बिनी पुगेका छन् । क्याटोगोरी ‘बी’ का टिकेन्द्रलाई लिन धनगढी, पोखरा र बुटवलले चासो देखाए । उनी दुई लाख रुपैयाँमा बिक्री भए । उनी यसअघि धनगढीबाट एनएसएल खेलेका थिए ।

डिफेन्डर विक्रम तामाङ अनसोल्ड भए । क्याटोगोरी ‘बी’ का विक्रमलाई लिन कुनै टोली इच्छुक देखिएनन् । मिडफिल्डर सन्दीप कार्की एनएसएलको अक्सनमा अनसोल्ड भएका छन् । क्याटोगोरी ‘बी’ का सन्दीपलाई लिन कुनै टोलीले चासो देखाएनन् । मिडफिल्डर जय गुरुङ एक लाख ५० हजार रुपैयाँमा एफसी चितवनमा पुगेका छन् । क्याटोगोरी ‘बी’ का जय यसअघि वीरगन्ज र बुटवलबाट एनएसएल खेलिसकेका छन् ।

डिफेन्डर अशोक खवास अक्सनमार्फत एक लाख ५० हजार रुपैयाँमा धनगढी एफसीमा फर्किएका छन् । क्याटोगोरी ‘बी’ का अशोक यसअघि धनगढी एफसी र झापा एफसीबाट एनएसएल खेलिसकेका छन् । फरवार्ड युवराज खड्का अनसोल्ड भएका छन् । क्याटोगोरी ‘बी’ का युवराजलाई लिन कुनै टोलीले बोली लगाएनन् । उनी पहिलो सिजन वीरगन्जबाट एनएसएल खेलेका थिए ।

डिफेन्डर कमल श्रेष्ठ एक लाख ५० हजार रुपैयाँमा काठमाडौं रेजर्समा पुगेका छन् । क्याटोगोरी ‘बी’ का कमललाई काठमाडौंले न्यूनतम रमकमा बिक्री गरेको हो । यसअघि उनले ललितपुर सिटी एफसी र धनगढी एफसीबाट खेलिसकेका छन् । मिडफिल्डर भरत खवास अनसोल्ड भएका छन् । क्याटोगोरी ‘ए’ का भरतलाई लिन एनएसएलका कुनै टोलीले चासो देखाएनन् । मिडफिल्डर प्रशान्त लक्षमलाई एक लाख ७० हजार रुपैयाँमा धनगढी एफसीले खरिद गरेको छ । क्याटोगोरी बीका प्रशान्त उनी यसअघि झापा एफसीबाट एनएसएल खेलेका थिए ।