अखबार नेपाल ट्रेन्डिङ

काठमाडौं: चेल्सी स्कुलका शिक्षक, कर्मचारी र नेपाल फोटोपत्रकार समुह, नेपाल (एनएफपीजे)बीच मैत्रीपूर्ण फुटसल खेल सम्पन्न भएको छ । खेल अत्तरखेलस्थित चेल्सी स्कुलको फुटसल खेल मैदानमा सम्पन्न भएको हो ।

चेल्सीले एनएफपीजेलाई १०-९ गोल अन्तरले पराजित गर्दै मैत्रीपूर्ण खेल आफ्नो पक्षमा पार्न सफल भयो । शारीरिक तन्दुरुस्तसँगै स्वास्थ्यका लागि खेलकुद आवश्यक रहेको बताउँदै एनएफपीजे नेपालका कोषाध्यक्ष प्रदीप कुमार श्रेष्ठ र सदस्य दिलीप वैद्यको नेतृत्वमा फोटोपत्रकार लगायत अन्य सञ्चारकर्मी सहितको टोली आज चेल्सीसँग मैत्रीपूर्ण फुटसल खेल्न पुगेको थियो ।

चेल्सी स्कुलका अतिरिक्त विभागका प्रमुख राजन न्यौपानेले पत्रकारहरुसँग खेल खेल्दा अत्यन्तै रमाईलो रहेको बताउँदै आगामी दिनमा सौहार्दपूर्ण वातावरणमा समय मिलाएर यस्तै खालको मैत्रीपूर्ण खेल जारी राख्ने बताए । चेल्सीका तर्फबाट न्यौपाने सहित मिलन केसी, निरोज महर्जन, युवराज वर्देवा, किरण शेर्पा, प्रवीन वम, सुरेश अधिकारी, मिलन रेग्मी, रुविन्द्र श्रेष्ठको सहभागीता रहेको थियो ।