अखबार नेपाल ट्रेन्डिङ

काठमाडौं: आइसीसी टि-२० विश्वकप अन्तर्गत नेपाल र श्रीलंकाबीचको समूह ‘डी’ को खेल वर्षा र मैदान भिजेको कारण रद्द भएको छ । खेल रद्द भएसँगै दुवै टोलीले १-१ अंक बाँढेका छन् ।

अमेरिकाको फ्लोरिडास्थित ब्रोआर्ड काउन्टी मैदानमा विहानदेखि निरन्तर वर्षाका कारण मैदान भिजेको थियो । वर्षा रोकिएपनि मैदानको अवस्थाका कारण खेल हुन सकेन । नेपालको यससँगै २ खेलमा १ अंक भएको छ । ३ खेलमा १ अंक जोडेको श्रीलंका भने प्रतियोगिताबाट बाहिरिएको छ । यस समूहमा दक्षिण अफ्रीका ३ खेलमा ६ अंकका आठ सुपर ८ प्रवेश गरिसकेको छ । बंगलादेश र नेदरल्यान्ड्सको २ खेलमा २-२ अंक छ । नेपालले अब शुक्रबार दक्षिण अफ्रीका र आइतबार बंगलादेशको सामना गर्नेछ ।