अखबार नेपाल ट्रेन्डिङ

काठमाडौं: नेपाल ‘ए’ र आयरल्यान्ड उल्भ्सबीचको तेस्रो तथा अन्तिम टी-२० खेल आज हुँदैछ । एक खेल अगावै सिरिज गुमाइसकेको नेपाल क्लिनस्विप हुनबाट जोगाउने लक्ष्यमा हुनेछ । खेल त्रिवि क्रिकेट मैदान कीर्तिपुरमा दिउसो १ बजे शुरू हुनेछ ।

नेपाल ‘ए’ र आयरल्यान्ड उल्भ्सबीचका दुवै खेलमा नेपालले अप्रत्यासित हार बेहोर्यो । मध्य र तल्लो क्रममा ब्याटरहरु फिनिसिङमा चुक्दा र खराब डेथ बलिङका कारण नेपालले खेल गुमायो । खेलमा केही युवा खेलाडीले प्रभावशाली प्रदर्शन गरे । तर दबाबमा टिम पफर्मेन्स राम्रो नहुँदा र प्राप्त अवसरलाई उपयोग गर्न नसक्दा नेपाल नतिजा सुम्पन पुग्यो । दुवै खेलमा नेपालले लामो समय खेललाई आफ्नो पक्षमा पारेको थियो ।

अब नेपाल आज सिरिज क्लिनस्विप हुन नदिने लक्ष्यसहित मैदान उत्रनेछ । टी-२० सिरिजपछि दुवै टोलीले एकदिवसीय सिरिज खेल्नेछन् ।