अखबार नेपाल ट्रेन्डिङ

काठमाडौं: दक्षिण अफ्रिकामा जारी आसिसी यू-१९ विश्वकप २०२४ मा नेपालले समूह चरणको आफ्नो अन्तिम खेलमा आज अफगानिस्तानसँग खेल्दैछ ।

अघिल्ला दुबै खेल गुमाइसकेका दुई टोलीबीचको विजेता सुपर सिक्समा पुग्नेछ । त्यसैले दुबै टोलीका लागि यो खेल उत्तिकै महत्वपुर्ण रहेको छ । खेल नेपाली समय अनुसार दिउँसो १:४५ बजे बफेलो पार्क इस्ट लन्डनमा सुरु हुनेछ ।

समूह ‘ डी’ को पहिलो खेलमा न्युजिल्यान्डसँग ६५ रन पराजित नेपालले पाकिस्तानसँगको‌ अर्को खेल ५ विकेटले गुमाएको थियो । अफगानिस्तान पाकिस्तानसँग १८१ र न्युजिल्यान्डसँग १ विकेटले पराजित भएको थियो । नेपाल र अफगानिस्तानबीचको विजेता टोली सुपर सिक्समा‌ पुग्नेछ । पराजित टोलीले १३ देखि १६ औं स्थानको लागि प्लेअफ खेल्नुपर्ने हुन्छ ।