अखबार नेपाल ट्रेन्डिङ

काठमाडौं: जारी नेपाल सुपर लिग (एनएसएल) अन्तर्गत आज दुई खेलहरु हुँदैछ । त्रिपुरेश्वरस्थित दशरथ रंगशालामा दिउँसो १ बजे हुने पहिलो खेलमा वीरगञ्ज युनाइटेड र पोखरा थण्डर्स​बीच प्रतिस्पर्धा हुनेछ भने साँझ ५ बजे हुने दोस्रो खेलमा एफसी चितवन र स्पोर्टिङ इलाम एफसीबीच प्रतिष्पर्धा हुनेछ ।

मंसिर ८ गतेदेखि शुरु भएको प्रतियोगिता पुस १४ गतेसम्म सञ्चालन हुनेछ । काठमाडौँ रेजर्स नेपाल सुपर लिगको पहिलो संस्करणको विजेता टोली हो । पहिलो संस्करणको फाइनलमा काठमाडौँ रेजर्सले धनगढी एफसीलाई हराउँदै उपाधि चुमेको थियो ।

प्रतियोगिताको पहिलो संस्करणमा ७ वटा टोलीले मात्र सहभागिता जनाएका थिए भने यसपालि  ९ टोलीले सहभागीता जनाएका छन् । प्रतियोगितामा धनगढी एफसी ११ अंकसहित शीर्ष स्थानमा छ ।