अखबार नेपाल ट्रेन्डिङ

एजेन्सी: आइसिसी विश्वकप २०२३ को फाइनलमा आयोजक राष्ट्र भारत र अष्ट्रेलियाबीच प्रतिस्पर्धा हुने भएको छ । भारतले न्युजिल्यान्डलाई ७० रनले हराएको थियो भने अष्ट्रेलियाले दक्षिण अफ्रिकालाई ३ विकेटले हरायो ।

साउथ अफ्रिकाले प्रस्तुत गरेको २१३ रनको लक्ष्य अष्ट्रेलियाले १६ बल बाँकी छदै ७ विकेट गुमाएर पुरा गर्यो । टस जितेर सुरुआती ब्याटिङ गरेको साउथ अफ्रिका ४९ दशमलव ४ ओभरमा २१२ रनमा अलआउट भएको थियो । समूह चरणमा शानदार प्रर्दशन गरेको साउथ अफ्रिका सेमिफाइनल भन्दा अघि बढ्न सकेन ।

फाइनल आइतबार नरेन्द्र मोदी स्टेडियम अहमदाबादमा हुनेछ । भारत २०११ र अस्ट्रेलिया २०१५ पछि पहिलो विश्वकप खेल्दै छन् । भारतले दुई पटक र अष्ट्रेलियाले पाँच पटक उपाधि जिति सकेका छन् । भारतले सन् १९८३ र २०११ मा उपाधि जितेको थियो । अस्ट्रेलियाले १९८७, १९९९,२००३, २००७ र २०१५ मा विश्वकपको उपाधि जितेको थियो ।

जारी विश्वकपमा भारतले लिगका सबै खेल नै जितेको थियो । भारत अपराजित एक्लो टोली हो । अस्ट्रेलिया लिग चरणमा भारतसँग ६ विकेटले हारेको थियो । सुरुवाती दुई खेलमा भारत र दक्षिण अफ्रिकासँग हारेको अस्ट्रेलियाले त्यसपछि लगातार ८ जितका साथ फाइनलमा स्थान बनाएको हो ।