अखबार नेपाल ट्रेन्डिङ

एजेन्सी: इन्ग्लिश प्रिमियर लिग फुटबलमा लिभरपुल र म्यानचेस्टर युनाइटेडले बराबरी खेल्दै अंक बाडेका छन् । युनाइटेडको घरेलु मैदानमा आईतबारराती भएको खेलमा लिभरपुलले घरेलु टिमसँग १-१ गोलको बराबरी खेलेको हो ।

ओल्ड ट्राफोर्डमा सुरुवाती अग्रता उल्टाएर लिभरपुलले बराबरी खेलेको हो । खेलको ३६ औं मिनेटमा मार्कोस राष्फोर्डले गोल गर्दै घरेलु टोलीलाई अग्रता दिलाएका थिए । तर, खेलको ८५ औं मिनेटमा एडम लालनाले गोल गर्दै लिभरपुललाई हारबाट जोगाए । यस्तै खेलको ४४ औं मिनेटमा लिभरपुलका साडियो मानेले गोल गरे पनि भीएआर रिभ्युले त्यसलाई गोलको मान्यता दिएन ।
युनाइटेडसँग बराबरीमा रोकिएपनि लिभरपुलले शीर्ष स्थानको अग्रता भने कायम राखेको छ । लिभरपुलको अपराजित यात्रा कायमै छ ।