अखबार नेपाल ट्रेन्डिङ

काठमाडौं: नेपाली राष्ट्रिय महिला क्रिकेट टोलीले चार देश सम्मिलित महिला टि-२० आई खेलमा विजयी सुरुवात गरेको छ ।

हङकङले दिएको ८५ रनको सामान्य लक्ष्य नेपालले १५.५ ओभरमा ४ विकेटको क्षतिमा भेट्टायो । सम्झना कुमारी खड्का ३६ सीता राना मगर ३ रनमा नटआउट रहे । सम्झना ३६ बलमा ५ चौका हान्दै ३६ रनको योगदान दिइन् ।

ओपनर पुजा महतोले १६ रनको योगदान दिईन् । नेपाली राष्ट्रिय महिला टोलीमा डेब्यु गरेकी पुजाले एक विकेट समेत आफ्नो नाममा गरिन् । अर्की ओपनर बिन्दु रावल शुन्उ रनमा नै एलबीडब्लु धरापमा परिन् । इन्दु बर्मा ९ रजमा बोल्ड आउट भइन् । रुविना क्षत्री वेलबासेले १० रन बनाउँदा बोल्ड आउट भइन् ।

नेपालले टस जितेर फिल्डिङ रोजेपछि ब्याटिङ गरेको हङकङ १९.१ ओभरमा ८४ रन बनाउँदा अलआउट भयो । हङकङकी यास्मिन दासवानी ६ रन बनाउँदा पुजा महतोको हातबाट बोल्ड आउट भइन् । अलराउण्डर पुजाले डेब्यु खेलमा नै विकेट लिईन् ।

मारिको तविथा ओटा ६ रन बनाउँदा कविता विकको बलमा सीता रानाको हातबाट क्याच आउट भइन् । सिंगयान डोरोथिया चान १६ रन बनाउँदा सिता रानाको बलमा कविता विकले क्याच आउट गराउँदै पवेलियन फर्काइन् । सीताले नै का मन चाङलाई शुन्य रनमा तथा शान्जिन शहजादलाई २ रनमा एलबीडब्लु धरापमा पारिन् ।

सीताले नै रुचिथा भेन्काटेसलाई १ र बिबि मर्यामलाई ९ रनमा एलबीडब्धु धरापमा पारिन् । का यिङ चान ३४ रन बनाउँदा कप्तान रुविना क्षत्रीको हातबाट आउट भईन् । नेपालका लागि सीता राना मगर एक्लैले ५ विकेट लिईन् । सिताले ४ ओभरमा १६ रन खर्चेर पाँच विकेट लिएकी हु्न् ।

इन्दु बर्माले दुई विकेट झारिन् । रुविना क्षत्री, पुजा महतो र कविता कुवँरले समान एक विकेट लिए । सिरिजको दोस्रो खेलमा नेपालले भोलि बुधबार कुवेतसँग खेल्नेछ ।