अखबार नेपाल ट्रेन्डिङ

काठमाडौं: अष्ट्रेलिया र न्युजिल्याण्डमा संयुक्त रुपमा आयोजना हुने फिफा महिला विश्वकप फुटबल २०२३ आजबाट सुरु हुँदैछ । विश्व फुटबलको सर्वोच्च निकाय फिफाले महिला विश्वकपको सम्पूर्ण तयारी पूरा भएको जनाईसकेको छ ।

न्युजिल्याण्डको इडेन पार्कमा हुने उद्घाटन खेलमा समूह ‘ए’ मा रहेको न्युजिल्याण्ड र नर्वे खेल्ने छन् । खेल नेपाली समयअनुसार अपराह्न ५ बजे सुरु हुनेछ । यस्तै आजै समूह ‘बी’ मा रहेको अर्को आयोजक राष्ट्र अष्ट्रेलिया र रिपब्लिक अफ आयरल्याण्डबीच पनि प्रतिस्पर्धा हुनेछ ।

यो खेल नेपाली समय अनुसार राति ८ बजे स्टेडियम अष्ट्रेलियामा हुनेछ । फिफा महिला विश्वकपमा ३२ टोलीको सहभागिता रहेको छ । प्रतियोगिता आगामी २० अगस्टसम्म चल्ने छ ।