अखबार नेपाल ट्रेन्डिङ

एजेन्सीः इटालीलाई २-१ गोल अन्तरले पराजित पराजित गर्दै स्पेन नेसन्स लिगको फाइनलमा प्रवेश गरेको छ ।

नेदरल्यान्डसमा गएराति भएको सेमिफाइनल खेल सुरु भएको तेस्रो मिनेटमै स्पेनले अग्रता लिएको थियो । स्पेनका लागि यारिमी पिनोले गोल गरेका थिए । तर स्पेनको अग्रता लामो समय भने टिकेन ।

खेलको ११औं मिनेटमा इटालीले पेनाल्टीमार्फत खेल बराबरी गर्‍यो । राष्ट्रिय टिमबाट डेब्यु गरेका रोबिनले नोमन्डबाट ह्यान्ड बल भएपछि इटालीले पेनाल्टीको मौका पाएको थियो । जसलाई चिरो इमोबिलेले गोलमा परिणत गरे । पहिलो हाफको बाँकी समयमा दुवै टिमबाट थप गोल भएन ।

खेल अतिरिक्त समयमा जाने अनुमान गरिएको थियो । ८८औं मिनेटमा सब्सिच्युट होसेलुले गोल गरेपछि इटालीलाई निराश पार्दै स्पेन लगातार दोस्रोपटक नेसन्स लिगको उपाधिनजिक पुग्यो ।

होसेलुको स्पेनका लागि तीन खेलमा यो तेस्रो गोल हो । अब स्पेनले फाइनलमा आगामी सोमबार लुका मोड्रिचको टोली क्रोएसियासँग प्रतिस्पर्धा गर्नेछ । अघिल्लो पटक स्पेन फाइनलमा फ्रान्ससँग पराजित भएको थियो । क्रोएसिया नेदरल्यान्डसलाई ४-२ गोलले हराउँदै उपाधि नजिक पुगेको हो ।