अखबार नेपाल ट्रेन्डिङ

काठमाडौं: म्यानचेस्टर सिटीले इंग्लिस प्रिमियर लिग फुटबलको उपाधि जितेको छ । शनिबार राति आर्सनल १-० गोल अन्तरले पराजित भएपछि सिटी प्रिमियर लिग च्याम्पियन बनेको हो ।

सिटीले पाँचौं पटक प्रिमियर लिगको उपाधि जितेको हो । आर्सनललाई नटिङघम फरेस्टले १-० गोल अन्तरले हराएको हो । फरेस्टको जितमा ताइवो अवोनियीले निर्णायक गोल गरे ।

अवोनियीले खेलको १९ औं मिनेटमा गोल गरेका थिए । यस हारसँगै आर्सनलको उपाधि होड समाप्त भएको छ । आर्सनलले ३७ खेलमा ८१ अंक जोडेको छ ।

सिटी भन्दा आर्सनल ४ अंकले पछि रहेको छ । सिटीको ८५ अंक रहेको छ । फरेस्ट ३७ अंक जोडेर १६ औं स्थानमा रहेको छ ।