अखबार नेपाल ट्रेन्डिङ

एजेन्सीः इंग्लिस प्रिमियर लिग फुटबलमा आर्सनलले लिभरपुललाई ३-२ गोल अन्तरले  हराएको छ ।

आर्सनललाई जित दिलाउन बुकायो साकाले दुई गोल गरे । गाब्रियल मार्टिनेलीले एक गोल थपे । लिभरपुलका डार्विन नुनेज र रोबर्टो फिर्मिन्होले एक एक गोल गरे ।

खेलको पहिलो मिनेटमै मार्टिनेलीले गोल गर्दै आर्सनललाई सुरुआती अग्रता दिलाएका थिए । ३४ औं मिनेटमा नुनेजले गोल गर्दै लिभरपुललाई १-१ गोलको बराबरीमा ल्याए ।

पहिलो हाफको इन्जुरी समयमा साकाले गोल गर्दै आर्सनलको अग्रता २-१ को  बनाए । खेलको ५३ औं मिनेटमा लिभरपुलका फिर्मिन्होले गोल गर्दै खेल २-२ गोलको बराबरीमा ल्याए ।

त्यसपछि खेलको ७६ औं मिनेटमा साकाले पेनाल्टीबाट व्यक्तिगत दोस्रो गोल गर्दै आर्सनललाई ३-२ को जित दिलाए ।

यस जितसँगै आर्सनल शीर्ष स्थानमा उक्लिएको छ । आर्सनलले ९ खेलमा २४ अंक जोडेको छ । लिभरपुल १० अंक जोडेर १० औं स्थानमा रहेको छ ।