अखबार नेपाल ट्रेन्डिङ

काठमाडौं: नाबालिग बलात्कार आरोप लागेका क्रिकेटर सन्दीप लामिछाने असोज २० गते नेपाल आउने भएका छन् ।

उनले शनिबार सामाजिक सञ्जाल फेसबुकमा एक सन्देश लेख्दै आफू अक्टोबर ६ (असोज २०) गते नेपाल आउन लागेको जानकारी दिएका छन् ।

लामिछानेले, उनकै शब्दमा, नेपाल आएर आफूविरुद्धको ‘झुठो आरोप’ को प्रतिवाद गर्ने बताएका छन् । उनले नेपालको न्याय प्रणालीमा विश्वास रहेको र आफू निर्दोष रहेको दावी गरेका छन् ।

आफूले कुनै गल्ती नगरेको सन्दीपको भनाइ छ । आफूमाथि लगाइएका ‘गलत आरोप’ का विषयमा समयक्रमसँगै रहस्य खुल्दै जानेमा विश्वस्त रहेको उनले बताए ।

एक १७ वर्षीया बालिकालाइ बलात्कारको आरोप लागेसँगै सम्पर्कविहीन भएका लामिछानेविरुद्ध असोज १० गते ‘डिफ्यूजन नोटिस’ जारी भएको थियो ।

लामिछानेविरुद्ध अन्तर्राष्ट्रिय प्रहरी संगठन इन्टरपोलले डिफ्यूजन नोटिस जारी गरेसँगै इन्टरपोल अन्तर्गतका देशहरूले आफ्नो देशमा खोजी थालेका थिए । इन्टरपोलमा १९५ देश आबद्ध छन् ।

लामिछानेले गत आइतबार साँझ मात्रै सामाजिक सञ्जालमार्फत् आफू अस्वस्थ भएका कारण आइसोलेसनमा रहेको बताएका थिए ।

उनले पछिल्लो घटनाक्रमले आफू शारीरिक र मानसिक रुपमा विक्षिप्त भएकाले उपचाररत रहेको र केही समयमै नेपाल फर्किएर बलात्कारविरुद्धको मुद्दाको प्रतिवाद गर्ने जानकारी दिएका थिए ।

आफूलाई सन्दीपले काठमाडौंको एक होटलमा लगेर बलात्कार गरेको भन्दै १७ वर्षीया किशोरीले सन्दीपविरुद्ध प्रहरीमा जाहेरी दिएकी थिइन् ।

https://www.facebook.com/SandeepLamichhaneOfficial/posts/652737486222191?__xts__[0]=68.ARCN3aomjyFD-ZZJ4n8Fj9BZFtuylBxFNRImcx46cvMRUpOuQYmAKnKmfRrl4uSapcRnnZDQttjLY6ygIV0I8-zLwKC4xzn2-Xn82Hu9_FU962Zga6wE9Ndff7u1rWZVy8tGaq5ZSddqxJ2rmr247yzybecPZFG8l6tLwYo7iWyUm8q-r3ZhN96ltLe7sjO98QJTvZaubpN82Pnt5q2juiV0bwdUDpP-EhMkHhQYe5jVVrJpvljb0t4thpN5JcJkD1pjr79DFt8fSdYSlrJyI6NWodfvsxGPx2TMGGqw2AX8RFM