अखबार नेपाल ट्रेन्डिङ

एजेन्सी: स्पेन युइएफए नेसन्स लिगको फाइनल फोरमा प्रवेश गरेको छ । स्पेनले घरेलु टोली पर्चुगललाई १–० ले पराजित गर्दै फाइनल फोरमा प्रवेश गरेको हो ।

स्पेनको जितमा खेलको ८८औं मिनेटमा अल्भारो मोराटाले गरेको गोल नै निर्णायक बन्यो । उनले निको विलियम्सको पासमा गोल गर्न सफल भएका थिए ।

खेलको ९०औं मिनेटमा रोनाल्डोले बराबरीको सुवर्ण अवसर पाएपनि उनको प्रयासलाई गोलरक्षक सिमोनले बचाए ।

जितसँगै स्पेन नेसन्स लिग ए ग्रुप २ मा ६ खेलबाट ११ अंक जोडेर शीर्षस्थानमा रह्यो । पराजित पोर्चुगल १० अंक जोडेर दोस्रो स्थानमा रहँदा स्वीट्जरल्यान्डले ९ तथा चेक रिपब्लिकले ४ अंक जोड्यो ।

यही समूहको अर्को खेलमा स्वीट्जरल्यान्डले चेक रिपब्लिकलाई २–१ ले पराजित गरेको छ । स्वीट्जरल्यान्डका रेमो फ्रुउलेर र ब्रिल इम्वोलोले गोल गर्दा चेक रिपब्लिकका प्याट्रिक सिकले एक गोल फर्काए ।

यसअघि क्रोएसिया, नेदरल्यान्ड्स र इटालीले फाइनल फोरमा स्थान बनाएका छन् ।