अखबार नेपाल ट्रेन्डिङ

एजेन्सी: साडियो मानेको दुई गोलको सहयोगमा सेनेगलले केन्यालाई पराजित गर्दै अफ्रिका कप अफ नेसन्सको प्रि–क्वाटरफाईनलमा प्रवेश गरेको छ ।

सोमबार राति भएको खेलमा सेनेगलले केन्यालाई ३–० गोल अन्तरले हराएको हो । लिभरपुलका फरवार्डले पहिलो हाफको पेनाल्टी खेर फालेका थिए । उनको प्रहारलाई केन्याका गोलकिपर प्याट्रिक मातासीले असफल पारेका थिए । माने दोस्रो पेनाल्टीमा भने सफल रहे ।

७६औ मिनेटमा केन्याका फिलेमोन ओटीनोले खतरनाक ट्याकदै गरेपछि रेफ्रीले रातो कार्ड देखाउँदै मैदान बाहिर पठाएका थिए । प्राप्त पेनाल्टी अवसरमा मानेले गोल गर्दै टोलीलाई सहज जित दिलाएका थिए । खेलमा अग्रता सेनेगलले ६३ औ मिनेटमा इस्माइला सर्रको गोलबाट लिएको थियो । ७१ औ मिनेटमा मानेले टोलीको अग्रतालाई दोब्बर बनाउने काम गरेका थिए । सेनेगलले अब जुलाई ५ को प्रि–क्वाटरफाईनलको खेलमा युगान्डासंग प्रतिस्पर्धा गर्नेछ ।

समुह सीमा अल्जेरिया सतप्रतिशत जित सहित समुह विजेता बन्न सफल रह्यो । सेनेगल ६ अंक सहित उपविजेता बन्यो । तान्जेनिया अंक विहिन हुदै प्रतियोगिताबाट बाहिरियो ।