चौथो टी-ट्वान्टी अन्तर्राष्ट्रिय क्रिकेटमा नेपालले आज केन्यासँग खेल्दै
वि.सं.२०७९ भदौ १३ सोमवार १०:२९
काठमाडौं: केन्या भ्रमणमा रहेको नेपाली राष्ट्रिय क्रिकेट टोलीले चौथो टी-ट्वान्टी अन्तर्राष्ट्रिय क्रिकेटमा आज केन्यासँग खेल्दैछ ।
नेपाली टोलीले नैरोवीस्थित जिमखाना क्रिकेट मैदानमा घरेलु टोलीसँग नेपाली समय अनुसार अपराह्न ३:४५ बजे खेल खेल्नेछ ।
घरेलु टोलीविरुद्ध मैदान उत्रदा नेपाल एक खेल अगावै सिरिज कब्जा गर्ने योजनामा हुनेछ । यस खेल जितेमा नेपालले एक खेल अगावै सिरिजमाथि जित हात पार्नेछ ।
पाँच खेलको टी-ट्वान्टी सिरिजमा नेपाल २-१ ले अघि छ । आइतबार भएको तेस्रो खेलमा ४ विकेटको जित निकाल्दै नेपालले सिरिजमा अग्रता लिएको हो ।
त्यसअघि पहिलो खेलमा नेपालले केन्यालाई ५ विकेटले हराएको थियो । दोस्रो खेलमा भने नेपाल केन्यासँग १८ रनले पराजित भएको थियो । नेपाल र केन्याबीचको पाँचौ तथा अन्तिम टी-ट्वान्टी मंगलबार हुनेछ ।
टी-ट्वान्टी सिरिजपछि नेपालले घरेलु टोलीसँग एकदिवसीय सिरिज खेल्नेछ ।
वि.सं.२०७९ भदौ १३ सोमवार १०:२९