अखबार नेपाल ट्रेन्डिङ

एजेन्सी: अर्जेन्टिना कोपा अमेरिका फुटबलको सेमिफाईनलमा प्रवेश गरेको छ । आज बिहान भएको खेलमा अर्जेन्टिनाले भेनेजुएलालाई २-० गोल अन्तरले हराएको हो ।

खेलको १०औ मिनेटमा लौटारो मार्टिनेजले गोल गर्दै अर्जेन्टिनालाई सुरुवाती अग्रता दिलाएका थिए । लियोनेल मेस्सीका कर्नरमा अग्युरोले डिबक्स भित्रबाट प्रहार गरेको बललाई चलाखीपुर्ण तरिकाले मार्टिनेजले पोस्टको दिशा दिए । ७४ औ मिनेटमा बैकल्पिक खेलाडी जियोवानी लो सेलोले गोलकिपरको गल्तीको फाइदा उठाउँदै अर्जेन्टिनाका लागि दोस्रो गोल गरेका थिए । अग्युरोको प्रहार गरेको बललाई गोलकिपरले क्लियर गर्न नसक्दा जियोवानीले गोल गर्न सफल भएका थिए ।

अर्जेन्टिना कोपा अमेरिकाको उपाधिबाट मात्र दुई खेल टाढा छ । अर्जेन्टिनाले अब फाईनल प्रवेशका लागि आयोजक ब्राजिलसँग प्रतिस्पर्धा गर्नेछ ।