अखबार नेपाल ट्रेन्डिङ

एजेन्सी: ब्राजिलमा जारी कोपा अमेरिका फुटबलमा अर्जेन्टिना क्वाटरफाईनलमा प्रवेश गरेको छ । आईतबार राती भएको खेलमा समूह चरणको अन्तिम खेलमा कतारलाई २-० ले पराजित गर्दा अर्जेन्टिनाले समूह उपविजेताको रुपमा दोस्रो चरण प्रवेश गरेको हो ।

सर्जियो अग्युरो र लौटारो मार्टिनेजको गोलको मदतले अर्जेन्टिनाले नकआउट चरणको यात्रा तय गरेको हो । मार्टिनेजले गोल गर्दै अर्जेन्टिनालाई चौथो मिनेटमा अग्रता दिलाएका थिए । ८२ औ मिनेटमा सर्जियो अग्युरोले गोल गर्दै अर्जेन्टिनाको जित पक्का गरे ।

समूह चरणको अर्को खेलमा कोलोम्बियाले पाराग्वेलाई १-० ले हरायो । कोलोम्बियाको जितमा गुस्ताभो क्वेलारले एकमात्र गोल गरे । लगातार तेस्रो जित दर्ता गरेको कोलोम्बिया अंक तालिकाको शीर्ष स्थानमा रहयो । ३ खेलमा ४ अंक जोडेको अर्जेन्टिना दोस्रो स्थानमा रहँदा २ अंक जोडेको पाराग्वे तेस्रो कतार १ अंकसहित पुछारमा रहयो । अर्जेन्टिनाले क्वाटरफाईनलमा भेनेजोयलासंग प्रतिस्पर्धा गर्नेछ ।