अखबार नेपाल ट्रेन्डिङ

काठमाडौं: भारतमा जारी साफ यू-२० च्याम्पियनसिप फुटबलको फाइनल खेल आज हुँदैछ । फाईनलमा साविक च्याम्पियन भारत र बंगलादेशबीच प्रतिस्पर्धा गर्नेछ ।

भुवनेश्वरस्थित कालिंगा स्टेडियममा हुने यी दुईबीचको फाइनल खेल नेपाली समय अनुसार ७:४५ बजे सुरु हुनेछ ।

भारत घरेलु भुमिममा आफ्नो दबदबा कायम राख्ने दाउमा हुनेछ भने बंगलादेश पहिलो पटक उपाधि उचाल्ने दाउमा हुनेछ ।

बंगलादेश शीर्ष स्थान रहँदै फाइनल पुगेको हो भने भारत उपविजेता बन्दै फाईनल पुगेको हो । भारत बंगलादेशविरुद्ध लिग चरणमा हारेको बदला लिँदै च्याम्पियन बन्न चाहान्छ ।

नेपाल भने तेस्रो स्थानमा रहँदै फाइनल पुग्न असफल भएको छ । नेपालले प्रतियोगितामा माल्दिभ्स र श्रीलंकालाई हराएको थियो । बंगलादेशसँग बराबरी खेल्दा भारतसँग फराकिलो हार व्यहोरेको थियो ।