अखबार नेपाल ट्रेन्डिङ

एजेन्सी: एसियन राष्ट्र कतारमाथि संघर्षपुर्ण जित निकाल्दै कोलम्विया एक खेल अगावै ब्राजिलमा जारी कोपा अमेरिका कपको क्वाटरफाइनलमा प्रवेश गरेको छ । आज बिहान भएको खेलमा कोलम्वियाले कतारमाथि १–० को संघर्षपुर्ण जित निकाल्दै एक खेल अगावै अन्तिम आठमा स्थान पक्का गरेको हो ।

समूह चरणमा कोलम्वियाको यो लगातार दोस्रा जित हो । कोलम्विायले पहिलो खेलमा अर्जेन्टिनालाई २–० ले पराजित गरेको थियो । अपराजित रहेको कोलम्वियाको २ खेलबाट ६ अंक पुगेको छ । अब कोलम्वियाले अन्तिम खेलमा पाराग्वेसँग २४ जुनमा खेल्नेछ । यो खेलमा जित हात पारे कोलम्विया समूह ‘बी’ को विजेता बन्नेछ । साओपाउलोमा भएको निकै प्रतिस्पर्धात्मक खेलमा ४ मिनेट बाँकी रहँदा डुभान जापाटाले गरेको एक गोल नै कोलम्विायको जितमा निर्णायक बन्यो ।