अखबार नेपाल ट्रेन्डिङ

एजेन्सी: इंग्ल्याण्डमा जारी १२औं संस्करणको आईसीसी एकदिवसीय विश्वकप क्रिकेटमा न्युजिल्याण्डले लगातार दोस्रो जित हात पारेको छ । बंगलादेशलाई २ विकेटले पराजित गर्दै न्युजिल्याण्डले दोस्रो जित निकालेको हो ।

बंगलादेशले दिएको २४५ रनको मध्यम लक्ष्य न्युजिल्याण्डले ४७ ओभर १ बलमा ८ विकेट गुमाएर पुरा गर्यो । न्युजिल्याण्डको जितमा रोस टेलरले सर्वाधिक ८२ रनको अर्धशतकीय इनिङ्स खेले । यस्तै कप्तान केन विलियमसनले ४० तथा मार्टीन गुप्टिलले २५ र कोलिन मुन्रोले २४ रन बनाए । बंगलादेशका हसन मिराज, शाकिब अल हसन,मोहमद साईफुदीन र मोसाडेक होसेनले २/२ विकेट लिए ।

टस हारेर पहिले ब्याटिङ गरेको बंगलादेशले ४९ ओभर २ बलमा अलआउट हुँदै २४४ रन बनाएको थियो । बंगलादेशको लागि शाकिब अल हसनले ६४ रनको अर्धशतकीय इनिङ्स खेले । यस्तै मोहमद साईफुदीनले २९, मोहमद मिथुनले २६, सोम्य सरकारले २५ तथा तमिम इकबालले २४ रन बनाए । न्युजिल्याण्डका लागि म्याट हेनरीले ४ तथा ट्रेन्ड बोल्टले २ विकेट लिए । जितसंगै न्युजिल्याण्डले २ खेलबाट ४ अंक जोडेको छ । र, न्युजिल्याण्ड शीर्ष स्थानमा उक्लिएको छ ।