अखबार नेपाल ट्रेन्डिङ

काठमाडौं: चारदेशीय सम्मिलित टी-20 सिरिजमा आज ओमनस्थित अलअमेरत क्रिकेट मैदानमा नेपाल र आयरल्याण्डबीच आमनेसामने हुँदैछ ।

यी दुईबीचको खेल आज दिउँसो पौने ४ बजे हुनेछ ।

विश्वकपको ग्लोबल क्वालिफायर्सका रुपमा हेरिएको यो सिरिजमा नेपाल, आयरल्याण्ड, ओमन र यूएई सहभागी छन् ।

सिरिजमा नेपालले २ खेल खेलको छ । जसमा पहिलो खेलमा ओमनलाई ६ विकेटले हराएको थियो भने यूएईसँग २५ रनले पराजित भएको थियो ।

त्यस्तै आयरल्याण्डले पनि दुई खेल खेल्दा ओमनलाई ९ विकेटले हराएको थियो भने यूएईसँग १३ रनले पराजित हुन पुगेको थियो ।

नेपालले यसअघि सन् २०१९ मा आयरल्याण्डसँग ओमन पेन्टाङ्गुलर सिरिजमा खेलको थियो । जसमा आयरल्याण्डले १३ रनको जित निकालेको थियो ।

त्यसअघि सन् २०१५ मा ८ विकेटले हार ब्यहोरेको थियो । त्यसबेला नेपालले दिएको ५४ रनको लक्ष्य आयरल्याण्डले ७२ बल बाँकी छँदै २ विकेट गुमाएर पुरा गरेको थियो ।

आजै हुने सिरिजको अर्को खेलमा ओमन र यूएई पौने १२ बजेबाट प्रतिस्पर्धा गर्नेछन् । यो सिरिजपछि विश्वकपको ग्लोबल क्वालिफायर्स सुरु हुनेछ ।

आइसिसी टी-२० विश्वकप ग्लोबल छनोटमा नेपालको खेल फेब्रुअरी १८ देखि २४ सम्म रहेको आईसीसीले जनाएको छ ।

ग्लोबल छनोट ए मा नेपालसहित ८ टोली छन् । ८ टोलीलाई चार चार गरी दुई समूहमा विभाजन गरिएको छ । नेपाल, ओमान, क्यानडा र फिलिपिन्स समूह बी मा छन् ।

नेपालले फेब्रुअरी १८ मा ओमनसँग, १९ मा फिलिपिन्ससँग र २१ मा क्यानडासँग खेल्नेछ ।