अखबार नेपाल ट्रेन्डिङ

एजेन्सी: सेनेगलले पहिलो पटक अफ्रिका कप अफ नेसन्सको उपाधि जितेको छ ।

इजिप्टलाई पेनाल्टी शुटआउटमा पराजित गर्दै सेनेगलले पहिलो पटक उपाधि जितेको हो ।

आइतबार राति क्यामरुनमा भएको फाइनल खेलमा निर्धारित समय र अतिरिक्त समय गोलरहित बराबरीमा सकिएपछि खेलको छिनोफानो पेनाल्टी सुट आउटमा भएको थियो ।

साडियो मानेले निर्णायक पेनाल्टी प्रहार गर्दा सेनेगल ४-२ ले विजयी भयो ।

यसअघि खेलको सातौं मिनेटमा लिभरपुलका फरवार्ड साडियो मानेले पाएको पेनाल्टी सदुपयोग गर्न नसक्दा सेनेगलले अग्रता बनाउने अवसर गुमायो ।

क्वाटरफाइनलमा मोरक्कोमाथि अतिरिक्त समय र सेमिफाइनलमा आयोजक क्यामरुनमाथि पेनाल्टीमा जित हासिल गरी फाइनल पुगेको मोहम्मद सलाहको इजिप्टले उपाधिका लागि निर्णायक पेनाल्टीमा भने चुक्न पुग्यो ।

इजिप्टका मोहम्मद अब्देलमोनेम र मोहनद नसिमले पेनाल्टीमा गोल गर्न सकेनन् भने सेनेगलका बोउना सारले पेनाल्टीमा गोल गर्न सकेनन् ।