बाक्लो हुस्सुका कारण भिजिबिलिटी कम हुँदा त्रिभुवन विमानस्थलमा उडान प्रभावित
वि.सं.२०७८ पुस १६ शुक्रवार १०:१८
काठमाडौं: उपत्यकामा बाक्लो हुस्सुका कारण भिजिबिलिटी १०० मिटरमा झरेपछि त्रिभुवन अन्तर्राष्ट्रिय विमानस्थलमा हवाई उडान प्रभावित भएको छ ।
सामान्यता उडानका लागि भिजिबिलिटि ३ हजार मिटर चाहिने भएपनि १ सय मिटरमा झरेपछि विमान अवतरण पनि हुन सकेका छैनन् ।
त्रिभुवन विमानस्थल टर्मिनल कार्यालयका अनुसार भिजिबिलिटी ह्वात्तै घट्दा आन्तरिक तथा बाह्य उडान हुन नसकेको जनाएको छ ।
कुवेतबाट आएका जजिरा एयरलाइन्सका दुईवटा विमान सिमरामाथिको आकाशमा फन्को लगाइरहेको टर्मिन कार्यालयले जानकारी दिएको छ ।
मौसम पूर्वानुमान महाशाखाका अनुसार शुक्रबार बिहानैबाट देशभर बाक्लो हुस्सु र कुहिरो लागेको छ ।
पश्चिमी न्यून चापीय प्रणाली र भारतको उत्तर प्रदेशको पूर्वी भूभाग र बिहार आसपासमा रहेको न्यूनचापीय क्षेत्रको प्रभावका कारण पनि हुस्सु लागेको जनाएको छ ।
वि.सं.२०७८ पुस १६ शुक्रवार १०:१८