अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबल अन्तर्गत त्रिपुरेश्वरस्थित दशरथ रंगशालामा आज दुई खेलहरु हुँदैछन् ।

पहिलो खेलमा हिमालयन शेर्पा क्लब र च्यासल युथ क्लबबीच प्रतिस्पर्धा हुनेछ भने दोस्रो खेलमा मनाङ मर्स्याङ्दी क्लब र मछिन्द्र क्लबबीच  प्रतिस्पर्धा हुनेछ ।

हिमालयन र च्यासलबीचको खेल दिउँसो १ बजे सुरु हुनेछ ।

हिमालयन ५ खेलमा ५ अंक जोडेर नवौं स्थानमा रहेको छ ।

च्यासल ५ खेलमा ४ अंक जोडेर १३ औं स्थानमा रहेको छ ।

हिमालयनलाई हराएर च्यासल रेलिगेसन क्षेत्रबाट माथि उक्लन चाहन्छ ।

दोस्रो खेलमा तालिकाको शीर्ष दुई टोली मनाङ मर्स्याङ्दी क्लब र मछिन्द्र क्लबबीचको खेल ४:४५ बजे सुरु हुनेछ ।

मनाङ ५ खेलमा १३ अंक जोडेर शीर्ष स्थानमा रहेको छ ।

साविक विजेता मछिन्द्र पनि मनाङलाई हराएर शीर्ष स्थानमा उक्लन चाहन्छ ।

मछिन्द्र ५ खेलमा ११ अंक जोडेर दोस्रो स्थानमा छ ।