अखबार नेपाल ट्रेन्डिङ

काठमाडौं: सेन्ट्रल जोन भलिबल अन्तर्गत नेपाली महिला राष्ट्रिय भलिबल टोलीले लगातार तेस्रो जित दर्ता गरेको छ ।

आयोजक बंगलादेशलाई सोझो सेटमा पराजित गर्दै नेपालले फाइनल नजिक पुगेको हो ।

आयोजक टोलीविरुद्ध तुलनात्मक कमजोर टिम बंगलादेशमाथि नेपालले २५-५, २५-१५ र २५-१७ को सेटमा जित निकालेको हो ।

नेपालले पहिलो खेलमा श्रीलंकालाई ३–२ को सेटमा तथा दोस्रो खेलमा माल्दिभ्सलाई ३–० को सोझो सेटमा पराजित गरेको थियो ।

नेपालको दुई खेलबाट ८ अंक छ । दोस्रो स्थानमा रहेको उज्वेकिस्तानको ६ अंक छ ।

यस्तै श्रीलंकाको ४ तथा किर्गिस्तानको ३ अंक छ । बंगलादेशले अंकको खाता खोल्न सकेको छैन ।

महिलातर्फ आयोजक बंगलादेश, किर्गिस्तान, माल्दिभ्स, नेपाल, श्रीलंका र उज्वेकिस्तान गरी ६ राष्ट्रको सहभागिता छ ।

राउन्ड रोबिनको आधारमा हुने प्रतियोगिताको शीर्ष दुई टोलीले फाइनलमा प्रतिस्पर्धा गर्नेछन् ।

त्यस्तै, तेस्रो र चौथो टोलीले तेस्रो स्थानको लागि प्रतिस्पर्धा गर्नेछ । फाइनल २९ डिसेम्वरमा हुनेछ ।