अखबार नेपाल ट्रेन्डिङ

काठमाडौं: सहिद स्मारक लिग ‘ए’ डिभिजन फुटबल अन्तर्गत त्रिपुरेश्वरस्थित दशरथ रंगशालामा पाँचौं चरणको खेलहरु आजबाट सुरु हुँदैछ ।

पहिलो खेलमा सातदोबाटो युथ क्लब र त्रिभुवन आर्मी क्लबबीच प्रतिस्पर्धा हुनेछ । सातदोबाटो र आर्मीबीचको खेल दिउँसो १ बजे सुरु हुनेछ ।

लिग अन्तर्गत नै दोस्रो खेलमा संकटा क्लब र साविक विजेता मछिन्द्र क्लबबीच प्रतिस्पर्धा हुनेछ । संकटा र मछिन्द्रबीचको खेल ४:४५ बजे सुरु हुनेछ ।

सातदोबाटो तेस्रो जितको खोजीमा हुनेछ । सातदोबाटो ४ खेलमा ७ अंक जोडेर लिगको पाँचौं स्थानमा रहेको छ ।

आर्मी ४ खेलमा ८ अंक जोडेर तेस्रो स्थानमा रहेको छ । आर्मी सातदोबाटोलाई हराएर शीर्ष स्थानमा उक्लने योजनामा हुनेछ ।

दोस्रो खेलमा संकटा क्लब र साविक विजेता मछिन्द्र क्लबबीच प्रतिस्पर्धा हुनेछ ।

संकटा ४ खेलमा ८ अंक जोडेर चौंथो स्थानमा रहेको छ । संकटा मछिन्द्रलाई हराएर उपाधि दाबेदार कायम राख्न चाहन्छ ।

संकटालाई हराएर मछिन्द्र शीर्ष स्थान कायम राख्न चाहन्छ ।