अखबार नेपाल ट्रेन्डिङ

एजेन्सी: इंग्लिस प्रिमियर लिगमा टोटेनहम हटस्परले नर्विच सिटीमाथि ३–० गोल अन्तरले सहज जित निकालेको छ ।

टोटेनहमको घरेलु मैदानमा भएको खेलमा लुकास मोउरा, डाभिन्सन सान्चेज र ह्युङ मिन सनले गोल गरे ।

खेलको १०औं मिनेटमा लुकास मोउराको गोलबाट टोटेनहमले अग्रता लिएको थियो । ६७औं मिनेटमा डाभिन्सन सान्चेजले गोल गर्दै टोटेनहमको अग्रता दोब्बर पारे ।

खेलको ७७औं मिनेटमा ह्युङ मिन सनले गोल गर्दै टोलीको सहज जित पक्का गरे । उनले बेन डेभिसको पासा गोल गरेका थिए ।

जितसँगै टोटेनहम १४ खेलबाट २५ अंक जोडेर पाँचौ स्थानमा रहेको छ । पराजित नर्विच सिटी १० अंक जोडेर पुछारमा रहेको छ ।