अखबार नेपाल ट्रेन्डिङ

एजेन्सी: स्पेनिस ला लिगाको शीर्षस्थानमा रहेको रियल म्याड्रिडले रियलले सेभियालाई २–१ गोल अन्तरले पराजित गर्दै पूनरागमन जित निकालेको छ ।

आइतबार राति भएको खेलमा सेभियाका लागि खेलको १२औं मिनेटमा राफा मिरको गोल सान्त्वना बन्यो ।

रियलका लागि खेलको ३२औं मिनेटमा करिम बेन्जेमाले गोल गर्दै खेललाई १–१ गोलको बराबरीमा ल्याए । काउन्टर अट्याकमा इडर मिलिसाओको झन्डै ३० यार्ड टाढाको प्रहारलाई गोलरक्षक यासिन बोनोउले नियन्त्रणमा लिन नसकेको बललाई रिवाउन्डमा बेन्जेमाले खाली पोस्टमा गोल गरे ।

जितसँगै शीर्षस्थानमा रहेको रियलको १४ खेलबाट ३३ अंक पुगेको छ । रियलले दोस्रो स्थानको एट्लेटिको म्याड्रिडलाई ४ अंकले पछि पारेको छ ।

पराजित सेभियाले दोस्रो स्थानमा उक्लने मौका गुमाउँदा २८ अंक जोडेर शीर्ष चारमा रहेको छ ।

यसैबीच एट्लेटिको म्याड्रिडले क्याडिजलाई ४–१ को फराकिलो गोल अन्तरले पराजित गरेको छ ।

सबै गोल दोस्रो हाफमा सम्भव हुदा एट्लेटिकोको जितमा थोमस लेमार, एन्टोइन ग्रिजमन, एन्जल कोरेआ र म्याथिअस कुन्हाले गोल गरे । घरेलु टोलीका एन्थोनी लोजानोले एक गोल गरे ।

जितसँगै एट्लेटिकोले रियल सोसिडाड र सेभियालाई पछि पार्दै दोस्रो स्थानमा उक्लन सफल भएको छ । एट्लेटिकोको १४ खेलबाट २९ अंक छ ।

एट्लेटिको शीर्षस्थानको रियल म्याड्रिडभन्दा ४ अंकले पछि छ । पराजित क्याडिज १२ अंक जोडेर १७औं स्थानमा छ ।