अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबल अन्तर्गत दोस्रो चरणको खेलहरु आजबाट सुरु हुँदैछ ।

त्रिपुरेश्वरस्थित दशरथ रंगशालामा आज हुने पहिलो खेलमा नवप्रवेशी क्लब सातदोबाटो युथ क्लब र थ्री स्टार क्लबबीच प्रतिस्पर्धा हुनेछ ।

सातदोबाटो र थ्री स्टारबीचको खेल दिउँसो १ बजे सुरु हुनेछ ।

लिग अन्तर्गत नै दोस्रो खेलमा संकटा क्लब र फ्रेन्ड्स क्लबबीच प्रतिस्पर्धा हुनेछ ।

संकटा र फ्रेन्ड्सबीचको खेल ४:४५ बजे सुरु हुनेछ ।

आज सातदोबाटो पहिलो जितको खोजीमा हुनेछ । पहिलो खेलमा सातदोबाटोले फ्रेन्ड्सविरुद्ध गोलरहित बराबरी खेलेको थियो ।

यता, थ्री स्टार भने लगातार दोस्रो जितको खोजीमा रहेको छ । शीर्ष स्थानको थ्री स्टारले पहिलो खेलमा च्यासल युथ क्लबलाई ३-० ले हराएको थियो ।

लिग अन्तर्गतको दोस्रो खेलमा संकटाले पहिलो खेलमा हिमालयन शेर्पासँग १-१ गोलको बराबरी खेलेको थियो ।

फ्रेन्ड्सविरुद्ध मैदान उत्रदा संकटा पहिलो जितको खोजीमा हुनेछ ।

फ्रेन्ड्स पनि पहिलो जितको लक्ष्यसहित मैदान उत्रनेछ ।

पहिलो खेलमा फ्रेन्ड्सले गोलरहित बराबरी खेलेको थियो ।