पिएसजीलाई हराउँदै म्यानचेस्टर सिटी यूईएफए च्याम्पियन्स लिगको समूह विजेता
वि.सं.२०७८ मंसिर ९ बिहीवार ०६:५०
एजेन्सी: पेरिस सेन्ट जर्मेनलाई पराजित गर्दै म्यानचेस्टर सिटी यूईएफए च्याम्पियन्स लिगको समूह ए को विजेताको रुपमा नकआउट चरणमा स्थान पक्का गरेको छ ।
सिटीले घरेलु मैदानमा पिएसजीलाई २-१ ले पराजित गरेको हो । पिएसजीले खेलको ५०औं मिनेटमा किलियन एमबाप्पेको गोलमा अग्रता लिएको थियो । सिटीका लागि रहिम स्टर्लिङले १३ मिनेटपछि नै बराबरी गोल फर्काए ।
खेल अवधिभर सिटीले बढी अवसर सिर्जना गर्यो । सिटीले वैकल्पिक खेलाडीका रुपमा प्रवेश गरेका ग्याब्रीएल जेससको महत्त्वपूर्ण भूमिकासँगै विजयी गोल भएको थियो ।
समुहको अर्को खेलमा आरबी लाइप्जिगले क्लब ब्रुगलाई ५-० ले पराजित गर्यो । समग्रमा सिटी ५ खेलमा १२ अंक जोड्दै शीर्षस्थानमा उक्लियो । पिएसजी समान खेलमा ८ अंकसहित दोस्रो स्थानमा छ ।
वि.सं.२०७८ मंसिर ९ बिहीवार ०६:५०