पोर्चुगलमाथि जित निकाल्दै सर्बिया विश्वकपमा छनौट
विश्वक छनौटका लािग पोर्चुगलले प्लेअफ खेलहरु खेल्नुपर्ने
वि.सं.२०७८ कात्तिक २९ सोमवार ०९:१२
एजेन्सी: सर्बिया सन् २०२२ मा कतारमा हुने विश्वकपमा छनौट भएको छ ।
आइतबार राति भएको खेलमा फुलहमका स्ट्राइकर अलेक्सान्डर मिट्रोभिचले खेलको अन्तिम मिनेटमा गोल गर्दै सर्बियालाई पोर्चुगलमाथि उसैको घरेलु मैदानमा २–१ गोलले हराएको हो ।
पोर्चुगललाई विश्वकपमा छनोट हुनका लागि खेलमा मात्र बराबरी गरे पुग्ने थियो । खेलको दोस्रो मिनेटमा नै रेनाटो सान्चेजले पोर्चुगललाई अग्रता पनि दिलाए तर डुसान टाडिचले पहिलो हाफको अन्त्यतिर खेल बराबरी गरे ।
जीतसँगै समूह ए मा २० अङ्कसहित सर्बिया शीर्ष स्थानमा रहेको छ । अब अर्को वर्ष हुने विश्वकपमा स्थान बनाउनका लागि पोर्चुगलले मार्चमा प्लेअफ खेलहरु खेल्नुपर्नेछ ।
विश्वकप छनोट खेलहरूमा आफ्नो घरेलु मैदानमा अपराजित रहने पोर्चुगलको यात्रामा पूर्ण विराम पनि लागेको छ ।
वि.सं.२०७८ कात्तिक २९ सोमवार ०९:१२