अखबार नेपाल ट्रेन्डिङ

एजेन्सीः बार्सिलोनाले ला लिगामा अन्तर्गत ग्रानाडासँग १–१ गोलको बराबरी खेलेको छ ।

आर्थिक मन्दीका कारण उथुल पुथुल भएको बार्सिलोना बढो समस्यामा रहेको बुझ्न सकिन्छ ।

यसै वर्ष मेस्सीले क्लब छाडेयता बार्सिलोना कमजोर बनेको छ ।

बार्सिलोनाको घरेलु मैदान नोउ क्याम्पमा एक्दमै फितलो प्रस्तुति रहेको थियो ।

यसले प्रशिक्षक रोनाल्ड कोम्यानमाथि दवाव बढिरहेको छ ।

खेलपछिको पत्रकार सम्मेलनमा कोम्यानले क्लबमा आफ्नो भविश्यको बारेमा कुनै जवाफ भने दिएनन् ।

किन कि क्लबलाई आज यो स्थितीमा ल्याउन मद्दत प्रशिक्षक रोनाल्ड कोम्यानले पनि ठुलो योगदान दिएका छन् ।

क्लबमा जब रोनाल्ड कोम्यान प्रमुख प्रशिक्षकको नियुक्ति लिएर पुगे त्यहाँ धेरै समस्याहरु थपिए ।

ला लिग अन्तर्गत हिजो राति भएको खेलमा ग्रानाडाले खेलको दोस्रो मिनेटमै डोमिनगोज डुआर्टेको हेडर गोल मार्फत पहिलो अग्रता लिएको थियो ।

बार्सिलोनाले ला लिगामा भने बराबरी गोल फर्काउन निकै कडा चुनौती खेप्नु प¥यो ।

खेलको इन्जुरी समयमा रोनाल्ड अराउजोले हेडर गोल गरेपछि बार्सिलोनाले ग्रानाडासँग बराबरी गोल बनायो र अंक खोसेको हो ।

अस्थायी स्ट्राइकरका रुपमा खेलेका सेन्टर ब्याक अराउजोले दोस्रो हाफको अन्त्यतिर गोल गर्न सफल भए ।

दोस्रो हाफमा बार्सिलोनाले खेलमा पकड भने बनाएको थियो ।

अघिल्लो साता च्याम्पियन्स लिगमा बायर्न म्युनिखसँग खेलेको खेलका तुलनामा सुधारिएको प्रदर्शन गरे ।

बार्सिलोनामा कोम्यानको भविश्यबारे प्रश्न सुरु भएका छन् ।

अर्कोतर्फ सिजनको पहिलो जितको नजिक पुगेर पनि बराबरीमा रोकिनुपरेकोमा ग्रानाडा चिन्तित रहनेछ ।

ग्राडानाले जितेको भए यो दोस्रो सिजनमा दोस्रो जित पनि हुने थियो ।

अन्तिम सिठ्ठी बजेपछि आफ्नो टिमको प्रदर्शनबाट असन्तुष्ट घरेलु समर्थक निकै निराश देखिन्थे ।

यो पनि पढ्नु होस्ः

रोयल च्यालेन्जर्स बेङ्ग्लोरका बिराट कोहलीले कप्तानी छाड्ने