अखबार नेपाल ट्रेन्डिङ

एजेन्सी: अर्जेन्टिना लियोनल मेसीको प्रेरणादायी प्रदर्शनमा इक्वेडरलाई ३–० गोलले पराजित गरी कोपा अमेरिकाको सेमिफाइनलमा प्रवेश गरेको छ ।

सेमिफाइनलमा अर्जेन्टिनाले कोलम्बियासँग खेल्नेछ ।

कोलम्बियाले उरुग्वेलाई पेनाल्टी शुटआउटमा पराजित गरेको थियो ।

रियो दि जेनेरियोमा सम्पन्न खेलमा मेस्सीले १ गोल गरे दुई गोलका लागि पास उपलब्ध गराएका थिए ।

८४ औं मिनेटमा मेस्सीको पासमा लौटारे मार्टिनेजले गोल गरेका थिए ।

४०औं मिनेटमा मेस्सीको चतुर्‍याई पूर्ण पास सदुपयोग गरी रोड्रिगो डी पाउलले पहिलो गोल गरेका थिए ।

उनको यो पहिलो अन्तर्रिष्ट्रय गोल पनि हो ।

खेलको इन्जूरी समयमा मेस्सीले डिबक्सको बाहिरबाट फ्रिकिक मार्फत शानदार गोल गर्दै ३–० को जित निश्चित गरे ।

यो उनको ७६ औं अन्तर्राष्ट्रिय गोल हो ।

इक्वेडरका डिफेण्डर मार्टिन रेन्याले एंगेल डी मारियालाई फल गरेपछि अर्जेन्टिनाले फ्रि किक पायो  ।

भने मार्टिन रातो कार्ड पाउँदै बाहिरिए ।

करिअरको उत्तरार्ध पुगेका मेस्सीको लागि अन्तर्राष्ट्रिय उपाधि जित्ने यो नै अन्तिम अवसर हुन सक्ने छ ।

सन् २०१५ र २०१६ को फाइनलमा पराजित भएको अर्जेन्टिना सेमिफाइनल जितेमा फाइनलमा सम्भवतः ब्राजिलसँग खेल्नेछ ।

कोलम्बियासँग पेनाल्टी शुटआउटमा पराजित भएसँगै १५ पल्टको च्याम्पियन उरुग्वे क्वाटरफाइनलबाटै बाहिरिएको छ ।

यो पनि पढ्नु होस्ः