फिफा विश्वकप तथा एसियन छनोटमा जापानको शतप्रतिसत जित
वि.सं.२०७८ जेठ २५ मंगलवार ११:०६
एजेन्सीः फिफा विश्वकप तथा एसियन छनोट दोस्रो चरणमा जापानले अपराजित यात्रालाई कायम राखेको छ ।
एसियाली पावर हाउस जापानले सोमबार ताजिकिस्तानलाई ४-१ गोल अन्तरले पराजित गर्दै लगातार सातौं जित निकालेको छ ।
जापानको जितमा क्योगो फुरुहासी, ताकुमी मिनामिनो, केन्टो हासिमितो र हयाओ कवाबेले समान एक र एक गोल गरे ।
ताजिकिस्तानका एक्सोनी पाण्डजसान्बेले सान्तोना एक गोल फर्काए ।
खेलको ६औं मिनेटमा फुरुहासीले गोल गर्दै जापानलाई अग्रता दिलाएका थिए ।
९औं मिनेटमा एक्सोनीले गोल गर्दै ताजिकिस्तानलाई १-१ गोलको बराबरीमा फर्काए ।
४०औं मिनेटमा मिनामिनोले गोल गरेपछि जापानले पहिलो हाफमा २-१ को अग्रता बनायो ।
खेलको ५१ औं मिनेटमा हासिमितोले गोल गर्दै जापानको अग्रता ३-१ को बनाए ।
त्यसपछि ७१ औं मिनेटमा कवाबेले गोल गर्दै जापानलाई ४-१ को जित दिलाए ।
यो जितसँगै समूह एफमा जापानले शतप्रतिसत जित निकाल्दै ७ खेलबाट २१ अंक जोडेको छ ।
फिफा विश्वकप छनोट जापानमा समूहको शीर्ष स्थानमा रहेको छ ।
ताजिकिस्तान १० अंक जोडेर दोस्रो स्थानमा रहेको छ ।
यो पनि पढ्नु होस्
वि.सं.२०७८ जेठ २५ मंगलवार ११:०६