अखबार नेपाल ट्रेन्डिङ

एजेन्सीः अर्जेन्टिनाका स्ट्राइकर सर्जियो अगुएरोलाई फ्रि ट्रान्सफरमा बार्सिलोनाले सन् २०२२-२३ सम्माको लागि अनुबन्ध गरेको छ ।

प्रिमियर लिग क्लब म्यानचेष्टर सिटीसँगको सम्झौता सकिएपछि अगुएरो जुलाई १ देखि बार्सिलोनामा आबद्ध हुने गरी सहमति भएको बार्सिलोनाले जनाएको छ ।

३२ वर्षीय अगुएरो र बार्सिलोनाबीच दुई वर्षको सम्झौता भएको छ ।

अगुएरो २०२२-२३ सिजनसम्म बार्सिलोनामा बस्नेछन् ।

यस्तै बार्सिलोनाले उनको रिलिज क्लज १०० मिलियन युरो राखेको छ ।

अगुएरोको सोमबार नै स्वास्थ्य परीक्षण समेत भएको छ ।

सोमबार उनले क्लबसँग सम्झौतामा हस्ताक्षर गर्नेछन् ।

त्यसपछि क्याम्प नोउमा फोटो सेसन हुनेछ र उनलाई बार्सिलोनाको खेलाडीको रुपमा प्रस्तुत गरिनेछ ।

अगुएरो १० वर्षअघि स्पेनकै एट्लेटिको मड्रिडबाट सिटी पुगेका थिए ।

प्रिमियर लिगमा एक दशक बिताउँदा सिटीको लागि सर्वाधिक गोलकर्ताको कीर्तिमान बनाएका अगुएरो फेरि स्पेनमै पर्किएका हुन् ।

अब उनी र्जेन्टाइन कप्तान लिओनल मेसीसंगै बार्सिलोना जर्सीमा हुनेछन् ।

तर मेसीको सम्झौता यही जुनमा सकिँदैछ र उनको सम्झौता नविकरण बारे अझै निर्णय भएको छैन ।

यो पनि पढ्नु होस्

https://www.akhabarnepal.com