फ्रेन्च ओपन टेनिस नाओमी ओसाकाले बहिस्कार गरेकी छिन्
वि.सं.२०७८ जेठ १८ मंगलवार ०७:५८
एजेन्सीः फ्रेन्च ओपन टेनिसबाट विश्व बरियात नम्बरमा दोस्रो स्थानमा रहेकी महिला टेनिस स्टार नाओमी ओसाकाले जारी फ्रेन्च ओपन टेनिस बहिस्कार गरेकी छिन् ।
जापानी टेनिस खेलाडी आफ्नो ट्विटरमार्फत एक सन्देश सार्वजनिक गरी प्रतियोगिताका बाँकी खेलमा सहभागी नहुने जानकारी दिएकी छिन् ।
आइतबार भएको पहिलो चरणको खेलमा ओसाकाले रोमानियाकी प्याट्रिसिया मारियालाई पराजित गरेकी थिईन ।
खेलपछि भएको पत्रकार सम्मेलनमा भाग नलिएको कारण ओसाकामाथि १५ हजार डलरको जरिवाना भएको छ ।
प्रतियोगिताबाट निष्काशन गर्न सकिने चेतावनी दिइएको थियो ।
ओसाकाले भनेकी छिन्ः मलाई लाग्छ की अन्य खेलाडी र मेरो भलाइका लागि म यो प्रतियोगिताबाट हटौँ, जसका कारण पेरिसमा
चलिरहेको टेनिसमा अरुले ध्यान लगाउन सकुन्’ ।
उनले आफूलाई पत्रकारहरुसँग बोल्न अप्ठेरो लाग्ने बताएकी छिन् ।
उनले पत्रकारहरुसँग बोल्नका लागि पूर्व तयारी गरेर आउने आफू कुनै सार्वजनिक वक्ता नभको भनेकी छिन् ।
आफू प्रेसको अगाडि नर्भस हुने गरेकोले प्रेसबाट टाढा रहने गरेको स्पष्ट पारेकी छिन् ।
उनले आफू अन्तर्मुखी भएको र मानसिक समस्या पनि रहेको जानकारी दिएकी छिन् ।
सन् २०१८ मा पहिलो ग्राण्डसलाम उपाधि जितेपछि आफू डिप्रेशनबाट लामो समय ग्रस्त भएको उल्लेख गरेकी छन् ।
उनले आफूले चोट पुर्याएको मा पत्रकारहरुसँग माफी मागेकी छिन् ।
यो पनि पढ्नु होस्
वि.सं.२०७८ जेठ १८ मंगलवार ०७:५८