अखबार नेपाल ट्रेन्डिङ

काठमाडौं: नेपालमा थप ६ हजार ८५ जनामा कोरोना सक्रमण पुष्टि भएको छ भने ६ हजार ८९ सय ८ जना निको भएका छन् ।

कुल २० हजार एक सय ६५ जनामा कोरोना परीक्षण गर्दा ६ हजार ८५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

यस अवधिमा ६८ जनाको मृत्यु भएको छ । योसँगै देशभर कोरोनाबाट ज्यान गुमाउनेको कुल संख्या ७ हजार ४ सय ५४ पुगेको छ भने संक्रमितको कुल संख्या ५ लाख ६६ हजार ५ सय ८७ पुगेको छ ।

कोरोना संक्रमणबाट निको हुनेको संख्या ४ लाख ५४ हजार ३ सय ४४ पुगेको छ ।

हाल देशभर १ लाख ४ हजार ७ सय ८९ सक्रिय संक्रमित रहेका छन् ।