अखबार नेपाल ट्रेन्डिङ

एजेन्सीः युरोपियन सुपर लिग फुटबलमा संलग्न भएको भन्दै रियल म्याड्रिड, बार्सिलोना र युभेन्टसलाई युरोपियन फुटबल महासंघ (युइएफए) ले कारवाही गर्ने भएको छ ।

केहि साताअघि युरोपका १२ क्लब संस्थापक रुपमा रहनेगरी संयुक्त रुपमा विज्ञप्ति जारी गर्दै युरोपियन सुपर लिगको घोषणा गरेका थिए ।

त्यसको चौतर्फी विरोध र विश्व फुटबल महासंघ (फिफा) र युइएफएबाट चेतावानी आएपछि संस्थापक सदस्य रहेका ९ क्लबले युरोपियन सुपर लिगबाट नाम फिर्ता लिएका थिए ।

स्पेनिस क्लब रियल म्याड्रिड, क्याटलान क्लब बार्सिलोना र इटालियन क्लब युभेन्टसले भने अझैपनि युरोपियन सुपर लिग गर्ने सम्भावना रहेको जनाउँदै कानुनी रुपमा लड्न जोड दिइरहेका छन् ।

युइएफएको अनुशासन समितिले यसबारे छानविन गरेपछि अब कारवाहीका लागि सिफारिस गर्ने भएको छ ।

कस्तो कारवाही हुने भन्ने बारे केहि दिनमा जानकारी दिने बताइएको छ ।

प्रिमियर लिग क्लब चेल्सी, लिभरपुल, म्यानचेस्टर सिटी, म्यानचेस्टर युनाइटेड, आर्सनल र टोटेनहम हटस्पर, स्पेनिस क्लब एट्लेटिको म्याड्रिड, इटालियन क्लब इन्टर मिलान र एसी मिलान गरी ९ संस्थापक क्लबले केहि दिनमै आफ्नो नाम फिर्ता लिएका थिए ।

नाम फिर्ता लिएका क्लबले भने युइएफएको सबै प्रतिगिता खेल्न पाउनेछ ।

यी क्लबलाई यूईएफएले भविष्यमा यस्तो कदम नचाल्ने चेतावनी दिँदै कारवाही नगर्ने भएको छ ।

युइएफएको नियम अनुसार कुनैपनि टिमले समानान्तर प्रकृतिको प्रतियोगिता खेल्न नपाउने उल्लेख छ ।

यस्तै युइएफएको स्वीकृतिविना कुनैपनि सदस्य क्लवले बाहिरको प्रतियोगिता खेल्न र स्थापना गर्न नपाउने नियममा छ ।

कोरोनाका कारण क्लवको आर्थिक अवस्था कमजोर भएपछि तत्कालका लागि मोटो रकम आउने र क्लवलाई बचाउन सकिने भन्दै १२ क्लबले युरोपियन सुपर लिग घोषणा गरेका थिए ।

तर यसलाई युइएफएले ठाडै अस्वीकार गर्दै यसबाट अलग रहन र अलग नरहेको अवस्थामा कडा कारवाही गरिने जनाएको थियो ।

यो पनि पढ्नु होस्

https://www.akhabarnepal.com/%e0%a4%87%e0%a4%82%e0%a4%97%e0%a5%8d%e0%a4%b2%e0%a4%bf%e0%a4%b8-%e0%a4%aa%e0%a5%8d%e0%a4%b0%e0%a4%bf%e0%a4%ae%e0%a4%bf%e0%a4%af%e0%a4%b0-%e0%a4%b2%e0%a4%bf%e0%a4%97-%e0%a4%ae%e0%a5%8d%e0%a4%af-2/