अखबार नेपाल ट्रेन्डिङ

काठमाडौं: विश्वकै चर्चित फुटबल लिग प्रतियोगिता ईङ्ग्लिस प्रिमियर लिगको जारी सिजनको अन्तिम चरणका खेलहरु आज हुँदैछ । आज हुने खेलबाट साविकको विजेता म्यान्चेस्टर सिटीले र लिभरपुलले उपाधि रक्षा निम्ति मैदानमा उत्रिने छन् ।

यस सिजनको बँकी सबै १० खेल आज राति खेलिनेछ । यस बिचमा दुई खेल भने उपाधि छिनोफानोको लागि हुनेछ । उपाधिको टुङ्गो अन्तिम चरणको खेलबाट हुन लागेको हो । उपाधि जित्ने दाउमा रहेका दुई शिर्ष क्लब म्यान्चेस्टर सिटी र लिभरपुल दुबैलाई आजको खेलमा स्पष्ट जितको आवश्यकता छ ।

साविक विजेता समेत रहेको सिटी उपाधि आफ्नै घरमा राख्न चाहन्छ भने लिभरपुल करिव दुई दशकपछि लिगको उपाधि आफ्नो पोल्टामा राख्ने दाउमा छ । लिभरपुलले पछिल्लो पटक सन् १९९० मा प्रिमियर लिगको उपाधि जितेको थियो । यस सिजन लिभरपुलको लागि निकै सुखद समेत रह्यो ।

बार्सिलोनालाई हराउँदै लिभरपुल यस सिजनको च्याम्पियन्स लिगको फाईनलमा समेत पुगिसकेको छ । जारी प्रिसमयर लिगको अन्त्मि चरण अघिको अंक तालिकामा सिटीको ९५ अंक छ भने दोश्रो स्थानमा रहेको लिभरपुलको ९४ अंक छ । उपाधि कब्जाका लागि लिभरपुलले आज आफ्नो होम ग्राउन्डमा वुल्भ्स्सँग खेल्नेछ भने सिटी उपाधि बचाउन ब्राईनसँग उसैको होम ग्राउन्डमा खेल्नेछ ।

जारी लिगमा सिटीले ३७ मध्ये ३१ खेलमा जित निकाल्ने क्रममा ९१ गोल गरिसकेको छ भने लिभरपुलले २९ खेलमा जित्दै ८७ गोल गरेको छ । तुलनात्मक रुपमा उपाधि भिडन्तमा रहेको दुई उत्कृष्ट लयमा रहेका क्लबहरु सिटी र लिभरपुलको आ-आफ्नो खेल निकै रोमाञ्चक रहने निश्चित रहेको छ ।

दुबै टोलीले आज आफ्नो पूर्ण टोलीलाई उतार्ने निश्चित छ । आज हुने अन्तिम चरणका सबै १० खेलहरु राति पौने ८ बजेबाट शुरु हुनेछ ।