अखबार नेपाल ट्रेन्डिङ

एजेन्सी: जर्मन बुन्डेस लिगा फुटबलमा लिग लिडर वायर्न म्युनिख बराबरीमा रोकिएको छ ।गएराति भएको खेलमा वायर्न आरबी लेपजिङसंग गोलरहित बराबरीमा रोकिएको हो ।

लेपजिङको मैदानमा वायर्नका लियोन गोर्टेज्काको गोलले गोलको मान्यता नपाउदा वायर्नले बराबरी खेल्न बाध्य भएको हो । उनको भली गोल अफसाइड गोल भएको थियो ।यस्तै वायर्नका केहि उत्कृष्ट प्रहारहरु लेपजिङका गोलकिपरले उत्कृष्ट बचाउ गरेका थिए ।बराबरीसंगै वायर्नले अन्तिम खेल अगाबै लगातार सातौं पटक बुन्डेस लिगाको उपाधि जित्नबाट बन्चित भएको छ ।अब वायर्नले उपाधिका लागि अर्को खेलसम्म कुर्नु पर्ने भएको छ ।

बराबरीपछि शीर्ष स्थानको वायर्नले ३३ खेलबाट ७५ अंक जोडेको छ । वायर्न दोस्रो स्थानको बोरुसिया डर्टमण्डभन्दा २ अंकले अघि रहेको छ । डर्टमण्डको ७३ अंक छ । तेस्रो स्थानको लेपजिङको ६६ अंक छ ।