अखबार नेपाल ट्रेन्डिङ

काठमाडौं: मड्रिड टेनिसको महिला एकलतर्फको उपाधि किकी बर्टेन्सले हात पारेकी छिन् । रोमानियाकी सिमोना हालेपलाई सोझो सेटमा हराउँदै बर्टेन्सले मड्रिड ओपनको उपाधि जितेकी हुन् । जितसँगै बर्टेन्स् चौथो वरियतामा उक्लिन् भने संगै शीर्ष वरियतामा पुग्ने हालेपको लक्ष्यमा धक्का पुगेको छ । फाईनल जित्ने क्रममा बर्टेन्स्ले हालेपलाई ६–४ र ६–४ को सेटमा पराजित गरेकी हुन् । यो जित बर्टेन्स्सँगै कुनै पनि डच खेलाडीका निम्ति करियरकै सर्वाधिक ठूलो जित हो । गत सिजन बर्टेन्सले् मड्रिड टेनिसको उपविजेतामा चित्त बुझाउनु परेको थियो ।