अखबार नेपाल ट्रेन्डिङ

काठमाडौं: नेपालमा जारी पहिलो फ्रेन्चाईज पहिलो संस्करणको नेपाल सुपर लिग (एनएसएल) फुटबलको उपाधि काठमाडौं रेजर्स एफसीले जितेको छ ।

आज भएको उपाधिको फाइनल खेलमा धनगढी एफसीलाई १-० गोल अन्तरले पराजित गर्दै काठमाडौंले उपाधि हात पार्न सफल भएको हो ।

काठमाडौंलाई उपाधि दिलाउन मेसौके ओलोमोउले निर्णायक गोल गरे ।

मेसौकेले खेलको २१ औं मिनेटमा निर्णायक गोल गरेका हुन् ।

यससँगै मेसौकेले लिगमा आफ्नो आठौं गोल पूरा गरेका छन् ।

उनी प्रतियोगिताको सर्वाधिक गोलकर्ता समेत बनेका छन् ।

उपाधिसँगै काठमाडौंले ३५ लाख प्राप्त गरेको छ । उपविजेता बनेको धनगढीले १५ लाखमा चित्त बुझाएको छ ।