अखबार नेपाल ट्रेन्डिङ

एजेन्सी: कतार फिफा विश्वकप २०२२ को दक्षिण अमेरिकी छनोटको लागि ब्राजिलले २४ सदस्यी टोलीको घोषण गरेको छ ।

दक्षिण अमेरिकी छनौटमा ब्राजिलले ५ जुनमा इक्वेडर तथा ९ जुनमा पाराग्वेसँग खेल्दैछ ।

मुख्य प्रशिक्षक टिटेले स्पेनिस क्लब रियल म्याड्रिडका तीन खेलाडी क्यासमिरो,इडर मिलिसाओ र भिन्सिनी जुनियरलाई टोलीमा समेटेका छन् ।

उनीहरुले यो सिजन उच्च प्रर्दशन गरिरहेका छन् ।

मार्सेलो, फिलिपे र रोड्रिगो टोलीमा पर्न असफल हुदाँ फ्रेडले दुई वर्षपछि राष्ट्रिय टोलीमा पूनरागमन गर्दा रेनान लोडीले पनि टोलीमा समेटिएका छन् ।

यता भेट्रन डिफेन्डर डयानी आल्भेस र थियागो सिल्भाले पनि पुनरागमन गरेका छन् ।

६ महिना अघि भएको विश्वकप २०२२ छनोटको दोस्रो खेलमा ब्राजिलले भेनेजुएलालाई १–०ले तथा तेस्रो खेलमा उरुग्वेलाई २–०ले पराजित गरेको थियो ।

त्यसपछि मार्चको लागि तय भइको छनोटका दुई खेल स्थागित हुन पुगेको थियो ।

मार्चमा ब्राजिलले कोलम्विया र अर्जेन्टिनासँग खेल्ने तालिका थियो ।

दक्षिण अमेरिकी छनोटमा चार खेलमा शतप्रतिशत जित निकालेको ब्राजिल शीर्षस्थानमा रहेको छ ।

यो पनि पढ्नु होस्

https://www.akhabarnepal.com/%e0%a4%a8%e0%a5%87%e0%a4%aa%e0%a4%be%e0%a4%b2-%e0%a4%b8%e0%a5%81%e0%a4%aa%e0%a4%b0-%e0%a4%b2%e0%a4%bf%e0%a4%97-%e0%a4%8f%e0%a4%a8%e0%a4%8f%e0%a4%b8%e0%a4%8f%e0%a4%b2%e0%a4%95%e0%a5%8b-%e0%a4%ab/